केरडी येथे कुस्त्यांचा जंगी आमदंगल संपन्न
माजी मंत्री सुनिल केदार यांच्या हस्ते कुस्तीचा शुभारंभ व बक्षीस वितरण
कन्हान, ता.१७ जानेवारी
जय बजरंग व्यायाम शाळा केरडी व्दारे जंगी कुस्त्यांचा आमदंगल माजी मंत्री सुनिल केदार यांच्या प्रमुख उपस्थित दरवर्षी नुसार या वर्षी सुध्दा जय बजरंग व्यायाम शाळा, केरडी व गावकऱ्यां तर्फे रविवार (दि.१४) जानेवारी २०२४ जय बजरंग व्यायाम शाळा केरडी च्या प्रांगणात संपन्न झाला.
कुस्त्यांचा जंगी आमदंगल व्यायाम मंडळाचे अध्यक्ष दयाराम भोयर यांचे अध्यक्षेत तर प्रमुख अतिथी माजी मंत्री सुनिल केदार यांच्या हस्ते आमदंगल कुस्त्यांची सुरूवात करण्यात आली.
प्रसंगी माजी मंत्री राजेंद्र मुळक, विशाल बरबटे, सुखराम रच्छोरे, असोक चिखले, गोंडेगाव – साटक सर्कल जि.प.सदस्य व्यंकट कारेमोरे, मुरलीधर निंबाळकर, बबन झाड़े, बबलु बर्वे आदी मान्यवर प्रामुख्याने उपस्थित होते. या आमदंगल मध्ये विदर्भ व मध्य प्रदेशातील १२५ पहेलवान जोडयांनी कुस्त्या खेळुन सहभाग घेतला होता. यात विशाल पहेलवान नागपुर विरूध्द श्याम यादव खवासा मध्यप्रदेश आणि किसना पहेलवान केरडी, विरूध्द घनश्याम पहेलवान पवनी यांचा सामना रोमहर्षक होऊन उपस्थिताना मंत्रमुग्ध केले. पंच म्हणुन दयाराम भोयर व सेवक गडे यांनी उत्तम कामगिरी बजावली. सुनिल केदार यांच्या हस्ते विजयी पहेलवानाना बक्षीस देऊन गौरविण्यात आले.
