ग्रामपंचायत येसंबा येथे अखंड महाराष्ट्राचे आराध्य दैवत श्रीमंतयोगी राजाधिराज छत्रपती शिवाजी महाराज यांची जयंती साजरी करण्यात आली.
सरपंच कु.सोनुताई इरपाते यांनी अध्यक्ष स्थान भुषविले तर उपसरपंच धनराज हारोडे यांनी प्रमुख अतिथीचे स्थान भुषविले. सरपंच आणि उपसरपंच यांनी महाराजांच्या प्रतिमेचे पुजन करून माल्यार्पण करून उपस्थितांना मार्गदर्शन केले.
(ता.१६) जानेवारी रोजी मोफत नेत्रतपासणी शिबिर ग्रामपंचायत येसंबा येथे घेतले होते. यानिमित्ताने गरजु लोकांना शिवजयंतीला मोफत चष्मे वाटप करण्यात आले.
प्रसंगी ग्रामपंचायत सदस्य सुभाष चकोले, करिष्मा पानतावणे, रेवती डडुरे, ज्ञानेश्वरी घरजाळे, वर्षा महाल्ले, प्रेरिका हिरा चकोले, आशा वर्कर सुषमा गजभिये, श्रीराम चकोले, रामदास तांडेकर, फुलचंद इरपाते, अविराज मेश्राम, पंकज चकोले, ग्रामपंचायत कर्मचारी संजय गजभिये व गावातील महिला आणि प्रतिष्ठीत नागरिक यावेळी उपस्थित होते.
