दोन एटीएम फोडुन पाच लाख साठ हजार रुपयाची चोरी
कन्हान शहरात चोरीच्या घटनेत दिवसेंदिवस वाढ
कन्हान, ता. २३ प्रतिनिधी
कन्हान हद्दीतील इंदिरा नगर, तारसा रोड वरील आय.सी.आय.सी.आय बँकेचे एटीएम आणि शिवनगर येथील स्टेट बँकेचे एटीएमच्या सीसीटीव्ही कॅमेऱ्यावर काळा पेंट स्प्रे करून दोन्ही एटीएम गँस कटर ने कापुन पाच लाख साठ हजार शंभर रूपयांची चोरी करून अज्ञात चोर पसार झाले.
मंगळवार (दि.२३) जुलै च्या पहाटे २ ते ४ वाजता दरम्यान चार चाकी वाहनाने आलेल्या अज्ञात चोरांनी इंदिरा नगर, तारसा रोड, कन्हान येथील आयसीआयसीआय बँकेचे एटीएम आणि शिवनगर येथील स्टेट बँकेचे एटीएम च्या सीसीटीव्ही कँमरे वर काळा पेंट स्प्रे करून बँकेचे एटीएम गँस कटर सहाय्याने कापले. इंदिरा नगर च्या आयसीआयसीआय बँकेचे एटीएम मधुन १,०३,००० रूपये आणि शिवनगर येथील स्टेट बँकेचे एटीएम मधिल ४,५७,१०० रूपये असे दोन्ही एटीएम मधिल ५,६०,१०० रूपयाची चोरी करून पसार झाले.
